Liten rapport frå lesehelga på Jøa

 Olav Duun-stiftinga i Namdalen hadde lesehelg 22. og 23. september på Jøa. Boka vi las var ”Hilderøya”, som kom ut for akkurat 100 år sidan.

Vi kom i rette stemninga rundt bordet i Olav Duuns barndomsheim. Vi las høgt for kvarandre. Undervegs stoppa vi for å diskutere ord, uttrykk og innhald.

Laurdag ettermiddag drog vi ut i Olav Duuns diktarlandskap, sette oss i sjøkanten ut mot storhavet Folla i godvêret. Med hildrande øyar i synsranda og lyden av late bårer som sler inn mot land, kjem ein vel ikkje stort nærare ”sjela” i boka Hilderøya. Det var og ein triveleg laurdagskveld rundt grua i jarnalderhuset på Tranås med mat, lesing og spørretevling. 7 personar var med på heile helga, mens 3 personar var innom ei stund. 

Foto: Anne-Lill Newermann, frå Tranås ut mot Folla.